Elliott Murphy

Elliott Murphy
	; (2007) Irudi gehiago
Bizitza
Jaiotza	Rockville Centre, 1949ko martxoaren 16a (75 urte)
Herrialdea	Ameriketako Estatu Batuak
Bizilekua	Paris
Hezkuntza
Heziketa	Garden City High School (en) ; Empire State College (en) ; Nassau Community College (en)
Jarduerak
Jarduerak	egile abeslaria, kazetaria, musikaria, eleberrigilea eta idazlea
Jasotako sariak	ikusi Arte eta Letren zalduna (2015eko azaroaren 4a) ;
Genero artistikoa	rock
	elliottmurphy.com

Elliott James Murphy (1949ko martxoaren 16a, Rockville Centre, New York) estatubatuar rock abeslari, konposatzaile, eleberrigile, ekoizle eta kazetari bat da. Gaur egun Paris hirian bizi da. Euskal Herrian musika emanaldiak sarritan eskaini izan ditu.

Biografia

Elliott James Murphy Jr. 1949an New York estatuko Rockville Centre udalerrian ikuskizunen munduarekin estuki loturiko familia batean jaio zen. Haren ama, Josephine, aktorea zen eta aita, Elliott Sr., 1950 eta 1960ko hamarkadan zehar arrakasta izan zuen Aquashow ikuskizuna kudeatu zuen ikuskizun-enpresaburu bat izan zen; era berean, 1939ko New Yorkeko Nazioarteko Erakustazoka ere kudeatu zuen.

Elliott, arreba Michelle Murphyrekin (akuarelista ospetsua) eta anaia Matthew Murphyrekin batera (musika enpresaburu ospetsua), Garden City udalerrian hazi zen. 12 urterekin gitarra jotzen hasi zen. 1966ean The Rapscallions musika taldearekin batera New York Estatuko Taldeen Gudua irabazi zuen (New York State Battle of the Bands). Ondoren, abestigintzan hasi eta 1971n Europako kaleetan zehar abesten hasi zen (Federico Fellini zuzendariaren Roma filmean ere agertu zen. Gero San Franciscon egonaldi labur bat egin ondoren New York hirira itzuli eta Polydor Records diskoetxearekin sinatu zuen; han Paul Nelson rock kritikari ezagunak deskubritu zuen. Lehenbiziko diskoa Aquashow (1973) izan zen, honekin nahiko arrakasta lortu eta urte hartako "best of" zerrenda ugaritan sailkatu zen. Era berean, Murphyk Rolling Stone, Newsweek eta The New Yorker aldizkarietan hainbat artikulu idatzi zituen.

2008an Parisko 8. Barrutiko Balletak hilabeteko iraupena izan zuen "Elliott Murphy - Last of the Rock Stars" ("Elliot Murphy - Azken Rock Izarra") izeneko erakusketa batekin bere ibilbidea omendu zuen. Bertan musika honen ibilbidearekin lotura zuten objektu ugari ikusi ahal izan ziren: horma irudiak, partiturak, argazki bitxiak, edota Federico Felliniren gutun pertsonal bat. Erakusketa handik urte batera argitaratu zen "Alive in Paris" ("Parisen zuzenean") CD/DVDan islatu zen.

Diskografia eta liburuak

Diskoak

Aquashow (1973)
Lost Generation (1975)
Night Lights (1976)
Just a story from America (1977)
Affairs (1980)
Murph the surph (1982)
Party girls / Broken poets (1984)
Milwaukee (1985)
Change will come (1987)
Après le déluge (1987)
12 (1990) US re-edition: Unreal City (1993)
If poets were kings (1992)
Paris/New York (1993)
Selling the gold (1995)
Beauregard (1998)
Rainy season (2000)
La terre commune (Iain Matthews-ekin batera) (2001)
Soul surfing (2002)
Soul surfing - the next wave EP (2002)
Strings of the storm (2003)
Murphy gets muddy (2005)
Coming Home Again (2007)
Notes from the Underground (2008)
Elliott Murphy Sings Dylan (2009)

Bildumak

Diamonds by the yard (1991)
Going through something - the best of 1982-1991 (1996)
Never say never - the best of 1995-2003 + live DVD (2005)

Zuzenean

Live Hot Point (1991)
April - a live album (1999)
The last of the rockstars... and me and you (2001)

Gonbidatu gisa

David Johansen - Here comes the night (1982): gitarra, harmonika
Rocking Chairs - Freedom Rain (1988): ahotsa eta gitarra Wild Horses abestian
Rocking Chairs - No sad goodbyes (1989): ekoizlea